“Yoshlar ovozi” ko’rik tanlovi g’olibi, Belarusiyadagi xalqaro tanlov Gran-pri sohibi!

Belarus Respublikasidan ajoyib xushxabar. Hamyurtimiz 51-maktab o'quvchisiYasmina Husniddinova Vitebskda o‘tkazilayotgan “Slavyan bozori” xalqaro san’at festivali doirasida tashkil etilgan Xalqaro bolalar musiqa tanlovida Gran-prini qo‘lga kiritdi. 

Mukofotni xalqaro festivalining tantanali ochilish marosimida Belarus Respublikasi Prezidenti Aleksandr Lukashenko topshirdi. 

Alohida qayd etish lozim, Yasminaxon joriy yilning may oyida o‘tkazilgan “Yoshlar ovozi” tanlovining “Estrada” yo‘nalishida faxrli 1-o‘rinni egallab 50.000.000 so‘m pul mukofotini qo‘lga kiritgan. 

Bu yutuqlar, mamlakatimizda ta’lim va madaniyat sohasiga qaratilayotgan yuksak e’tiborning yana bir yorqin natijasi, totli mevasi desak mubolag‘a bo‘lmaydi.

Yoshlar ishlari agentligi jamoasi yosh iste’dod egasini ushbu yuksak mukofot bilan samimiy muborakbod etadi.