Maroqli yozgi ta’tildan so‘ng yangi o‘quv yili boshlandi. Qo‘llarida gul, qalbda hayajon bilan sevimli maktabi tomon oshiqayotgan o‘quvchi-yoshlarning quvonchlari cheksiz. Bugun shahrimiz yoshlarini o‘z bag‘riga chorlagan barcha umumta’lim maktablarida birinchi qo‘ng‘iroq chalindi.

Bolajonlarning xursandchiligiga sabab bo‘lgan ushbu shodiyona Toshkent shahar Yunusobod tumanidagi 51-sonli umumta’lim maktabida Mustakilligimizning 32 yilligi hamda “Yangi hayot uchun, yangi O‘zbekiston uchun!” shiori ostida “Birinchi qo‘ng‘iroq” tadbiri bo‘lib o‘tdi.